كلمات لها معنى ....

اصــــــبر

لو حسيت باليأس أوي

وانك معنوياتك بقت في الأرض

اعرف ان ديما في امل

اليأس مر .. والصبر برده مر

انما الصبر ليه نهاية سعيدة

واليأس ملوش نهاية غير الموت

كل حــاجة

يمكن نكون بنغلط كتير

في حق نفسنا

او في حق اللي حوالينا

لكن كل حاجة قابلة للتغيير

والتصحيح

متقولش هسيب كل حاجة للزمن

(ان الله لا يغير ما بقوم حتى يغيروا ما بانفسهم)

هعــــيش؟

المريض : هعيش ؟؟؟

الدكتور : لو عايز

لو كل واحد فهم الدنيا صح

هيستغل كل دقيقة

الحياة فرصة

مش لازم نضيعها

لا تتوقــــع

مش تتوقع من حد مهما كان

قريب منك

انه يقوم بنفس رد الفعل اللي انت ممكن تقوم بيه

في نفس الموقف

عشان ببساطة

هوا مش انت

تعـــــرف؟

تعرف

طيب شكلك كده متعرفش

المهم

لو دورت كويس

هتلاقي لكل حاجة حواليك

جانب لو فهمته

هتغير حالتك

من اقصى الشمال

لأقصى اليمين

وكل حاجة ف ايديك

سعادتنا

وشعورنا بالرضا

والقناعة

بايدينا

بس يا مين يدور

وكلــــنا

كلنا زي القمر

لينا جانب مظلم

لازم تبقى عارف

وتكون متأكد

انك مهما حسيت بالضعف

والوحدة

ربنا بس

هوا اللي لازم تلجأله

ولا ملجأ منه إلا إليه

ودائما

ديما دور جواك
مش حواليك

احـــــلامك

لازم تعرف ان احلامك بتبقى ديما في ضفة

وانت في ضفة تانية

فـ لازم تجد وتجتهد وتكافح

عشان تبني الجسر

اللي يوصل بين الضفتين

وتقدر تعدي

ويمـــــكن

يمكن تغلط كتير

كتير اوي

بس اكيد هتعمل الصح ف الآخر

ولــــو عايز

لو عايز تاخد الصح

خده من واحد غلط

بـــــص

بص للاشياء من جذورها

من مبادئها

ومش تتعامل مع الامور بسطحية

وفي النهاية

مفيش ايتها حاجة في الدنيا دي

تستاهل دمعة من عنيك

هتتعب

وهتزعل

وهتضايق

بس ربنا ديما معانا

وديما هيحطلنا

في كل متاهة

دليل

نعرف نخرج بيه

» ¯كلمات من ذهب سطرها الرسول صلى الله عليه وسلم لكل امرأة تريد الحفاظ على جمالها¯Ξஇ҈